कोशी प्रदेशले एन्फा महिला लिग फूटबलमा बिहिवार लगातार दोस्रो जित निकालेको छ। सातदोबाटो स्थित एन्फा कम्प्लेक्समा भएको खेलमा कोशीले वाग्मती युथ क्लबलाई २-१ ले पराजित गर्यो ।अर्को खेलमा वालिङ नगरपालिकाले कर्णाली प्रदेशलाई ४-० ले पराजित गर्यो ।
दिनको पहिलो खेलमा प्राप्त जितपछि कोशी ६ अङ्क सहित लिग तालिकाको शिर्षस्थानमा रह्यो । वाग्मती भने पहिलो हारपछी ३ अङ्कमा रह्यो । वाग्मतीले नै २६ औं मिनेटमा बिष्णुमाया बलको गोलबाट अग्रता लिएको थियो। यो अग्रता लामो समय भने टिकेन र समिक्षा मगरले गोल गर्दै २९ औं मिनेटमा खेल बराबरीमा ल्याएका थिए ।
